5 ოქტომბრიდან 9 ოქტომბრის ჩათვლით კახეთში მასშტაბური სკრინინგ აქციები ჩატარდება

სიღნაღი

• 5 ოქტომბერი – არქიმედეს პოლიკლინიკის მიმდებარე ტერიტორია (მისამართი: წნორი, ბაგრატიონის 12);

ლაგოდეხი

• 6 ოქტომბერი – არქიმედეს პოლიკლინიკის მიმდებარე ტერიტორია (მისამართი: ლაგოდეხი 9 აპრილის ქუჩა 48);

ყვარელი

• 7 ოქტომბერი – სს საქართველოს კლინიკების ყვარლის კლინიკის ეზო (მისამართი: ყვარელი, ჭავჭავაძია ქუჩა 3ა);

თელავი

• 8 ოქტომბერი – თელავის მუნიციპალიტეტის საზოგადოებრივი ჯანდაცვის ცენტრის ეზო (მისამართი: თელავი, ალადაშვილის ქუჩა 2, მედქალაქის ტერიტორია);

ახმეტა, დუისი

• 9 ოქტომბერი – დუისის რეგიონალური ჯანდაცვის ცენტრის ეზო;

მოქალაქეებს შესაძლებლობა ექნებათ ისარგებლონ შემდეგი სერვისებით:

ძუძუს კიბოს სკრინინგი 40-70 წლის ჩათვლით ქალებისთვის, რაც მოიცავს მამოლოგის მიერ ძუძუს ფიზიკალურ გასინჯვას, მამოგრაფიულ გამოკვლევას (პირდაპირ და ირიბ პროექციაში), შედეგების ორი დამოუკიდებელი რადიოლოგის მიერ შეფასებას და პათოლოგიის გამოვლენის შემთხვევაში – ძუძუს ულტრაბგერით გამოკვლევას;

საშვილოსნოს ყელის კიბოს სკრინინგი 30-60 წლის ასაკის ქალებისთვის;

B ჰეპატიტის (HBV), C ჰეპატიტის (HCV) და აივ ინფექცია/შიდსის (HIV/AIDS) სკრინინგი;

არტერიული ჰიპერტენზიის სკრინინგი.

გამოკვლევები, ადგილზე, თანამედროვე მეთოდებითა და კვალიფიციური სამედიცინო პერსონალის მიერ ჩატარდება.

სკრინინგი ჯანმრთელობის დაცვის ერთ-ერთი ყველაზე ეფექტური საშუალებაა, რომელიც დაავადებებს ადრეულ ეტაპზე ავლენს, როცა მკურნალობა განსაკუთრებით შედეგიანია.

მიღება იწარმოებს ცოცხალი რიგის საშუალებით. გთხოვთ, მობრძანდეთ და ისარგებლოთ უფასო სამედიცინო სერვისებით 10:00-დან 18:00 საათამდე.