ქალაქ ყვარელში, იუსტიციის სახლის მიმდებარე ტერიტორიაზე, „ახალი წლის დღეების“ ფარგლებში საახალწლო ღონისძიებების სამზადისი აქტიურად მიმდინარეობს.
ყვარლის მუნიციპალიტეტის მერიის ინფორმაციით, ღონისძიებები 15:00 საათიდან დაიწყება და 19:00 საათზე საზეიმოდ აინთება ქალაქის მთავარი ნაძვის ხე.
საახალწლო ღონისძიებები, რომლებიც საქართველოს მთავრობის, კულტურის სამინისტროს და შემოქმედებითი საქართველოს მხარდაჭერით იმართება, ასევე მოიცავს საბავშვო აქტივობებს, ზღაპრის გმირების წარმოდგენებსა და მუსიკალურ ნომრებს. ღონისძიებაზე მისულ პატარებს დაასაჩუქრებს თოვლის პაპა.
გალა კონცერტში მონაწილეობას მიიღებენ: ჯაზ ტრიო, მაია ბარათაშვილი, ჯემალ სეფიაშვილი, ცისანა სეფიაშვილი, ბენდი “ნალი,” ზაზა მარჯანიშვილი და ოჩოს ქოხი.