“ცივ-გომბორის ქედის ძველი ნაქალაქარები” – თელავში წიგნის პრეზენტაცია გაიმართა.

პრეზენტაციას თელავის მუნიციპალიტეტის მერი ლევან ანდრიაშვილი დაესწრო  მერის მოადგილე ფიქრია ყუშიტაშვილთან და საკრებულოს თავმჯდომარე თენგიზ მთვარელიშვილთან ერთად.

თელავის მუნიციპალიტეტის მერიის ინფორმაციით, წიგნი მოგვითხრობს სოფელ კისისხევსა და თეთრიწყლების ტერიტორიაზე მდებარე კლდეში ნაკვეთი გამოქვაბულების, “კონდამიანის” სამონასტრო კომპლექსის, ფსიტის ციხისა და “ნაქალაქარის” შესახებ. აღწერილი და განხილულია მოცემულ ტერიტორიებზე ჩატარებული სადაზვერვო-საფიქსაციო და კვლევითი სამუშაოები, მათ შორის აღმოჩენილი არქიტექტურულ-არქეოლოგიური კომპლექსები.