დღეს, “სოფლის მხარდაჭერის პროგრამის” ფარგლებში, შეხვედრები გაიმართა ყვარლის მუნიციპალიტეტის სოფელ ჭიკაანის, გავაზის, სანავარდოსა და შილდის მოსახლეობასთან.
ყვარლის მუნიციპალიტეტის მერიის ინფორმაციით, შეხვედრებზე გამოიკეთა შემდეგი პრიორიტეტული საკითხები:
სოფელი ჭიკაანი – სკვერისა და საბავშვო ბაღის ეზოს კეთილმოწყობა.
სოფელი გავაზი – სოფლის შემოსასვლელის მიმდებარე ტერიტორიისა და სოფლის ცენტრში არსებული სკვერის კეთილმოწყობა.
სოფელი სანავარდო – სპორტული დარბაზის რეაბილიტაცია და სკვერის კეთილმოწყობა.
სოფელი შილდა – გარე განათების ქსელის მოწყობა-რეაბილიტაცია და სასაფლაოს შემოღობვა.
აღსანიშნავია, რომ ადგილობრივ მოსახლეობასთან შეხვედრებს, ყვარლის მუნიციპალიტეტის მერთან გივი ზაუტაშვილთან ერთად ესწრებოდნენ: კახეთის მხარეში სახელმწიფო რწმუნებული გიორგი ალადაშვილი, საკრებულოს თავმჯდომარე ილია მზექალაშვილი, საკრებულოს თავმჯდომარის პირველი მოადგილე ოთარ ბუჯიაშვილი და მოადგილე კახა ასისტიშვილი, ასევე, საკრებულოს მაჟორიტარი წევრები და ადგილობრივი თვითმმართველობის წარმომადგენლები.