ყვარლის მუნიციპალიტეტის მერმა გივი ზაუტაშვილმა, მერის პირველ მოადგილე ვალერი გოქსაძესთან, საკრებულოს თავმჯდომარის მოადგილე კახა ასისტშვილთან და ა(ა)იპ „სკოლამდელი აღზრდის დაწესებულებათა გაერთიანების“ დირექტორ ნონა დავითაშვილთან ერთად მოინახულა საბავშვო ბაგა-ბაღები.
ყვარლის მუნიციპალიტეტის მერიის ინფორმაციით, მერი შეხვდა საბავშვო ბაგა-ბაღების თანამშრომლებს და ადგილზე გაეცნო სააღმზრდელო პროცესის მიმდინარეობას.
“დღეს მოვინახულე საბავშვო ბაგა-ბაღები, შევხვდი თანამშრომლებს და ადგილზე გავეცანი სააღმზრდელო პროცესის მიმდინარეობას.
დეტალური ინფორმაცია მოვისმინე სკოლამდელი აღზრდის დაწესებულებებში არსებულ საჭიროებებთან დაკავშირებით. ასევე, განვიხილე აღნიშნული დაწესებულებების ინფრასტრუქტურის მოწყობასთან დაკავშირებული საკითხები,” – განაცხადა ყვარლის მუნიციპალიტეტის მერმა გივი ზაუტაშვილმა.