თელავის მუნიციპალიტეტის გენდერული თანასწორობის საბჭოს ინიციატივითა და ორგანიზებით, თელავის ისტორიული მუზეუმის საგამოფენო დარბაზში გაიხსნა თანამედროვე თელაველ ქალ მხატვართა გამოფენა.
საკუთარი ნამუშევრები წარმოადგინა 20-მდე მხატვარმა. გამოფენა ჟანრობრივად მრავალფეროვანია, სადაც წარმოდგენილია ფერწერა, გრაფიკა, გამოყენებითი ტექნიკა.
გენდერული თანასწორობის საბჭოს წევრებმა ხელოვანებს გადასცეს ყვავილების თაიგული.
თანამედროვე თელაველ ქალ მხატვართა გამოფენის მხარდამჭერები არიან თელავის ისტორიული მუზეუმი და თელავია სამხატვრო სკოლა.