ახალგაზრდული ბანაკის ფარგლებში, – “პიროვნული განვითარება მოზარდებში,” რომელიც მოეწყო თელავის მუნიციპალიტეტის მერიის მხარდაჭერითა და დაფინანსებით, სკოლის მოსწავლეები იმყოფებოდნენ ბაკურიანში.
პროექტი, რომელიც ყოველწლიურ ხასიათს ატარებს, მიზნად ისახავს სამიზნე აუდიტორიისათვის წამახალისებელ, შემეცნებით და საგანმანათლებლო აქტივობების მოწყობას.
თელავის მუნიციპალიტეტის მერიის ინფორმაციით, ახლაგაზრდებმა სერტიფიცირებულ ტრენერებთან გაიარეს 5 დღიანი სასწავლო კურსი, რომელიც მოიცავდა ისეთ საკითხებს, როგორიცაა: გუნდური მუშაობის პრინციპები, პიროვნული განვითარება და თვითშემეცნება, ქცევის ტიპები.
მერიის ცნობით, სკოლის მოსწავლეების ბანაკი – “პიროვნული განვითარება მოზარდებში,” წელს უკვე მეორედ შედგა.