დღეს, ყვარლის მუნიციპალიტეტის მერი გივი ზაუტაშვილი, სოფელ წიწკანაანთსერსა და შოროხში ადგილზე გაეცნო საგზაო ინფრასტრუქტურის მოწესრიგების მიზნით მიმდინარე სამუშაოებს. მერთან ერთად იმყოფებოდნენ პირველი მოადგილე ვალერი გოქსაძე და გიორგი ქოქიაშვილი.
ყვარლის მუნიციპალიტეტის მერის გივი ზაუტაშვილის თქმით, სოფელ წიწკანაანთსერში, აქტიურად მიმდინარეობს შიდა საუბნო გზის რეაბილიტაცია. პროექტის ფარგლებში დაგეგმილია 1185 გრძივ მეტრზე ასფალტის საფარის დაგება, რკინა ბეტონის სანიაღვრე არხებისა და ლითონის ცხაურების მოწყობა.
“დღეს, მოადგილეებთან ერთად ადგილზე გავეცანი ყვარლის მუნიციპალიტეტის სოფლებში საგზაო ინფრასტრუქტურის მოწესრიგების პროცესს. სოფელ წიწკანაანთსერსა და შოროხში გზების რეაბილიტაცია ფინანსდება რეგიონებში განსახორციელებელი პროექტების ფონდიდან, რომლის ღირებულებაც წიწკანაანთსერში შეადგენს 557 829 ლარს, ხოლო სოფელ შოროხში 464 737 ლარს. ამ დროისთვის სოფელ შოროხში, ისევე როგორც წიწკანაანთსერში, შიდა საუბნო გზის რეაბილიტაცია აქტიურად მიმდინარეობს. პროექტის ფარგლებში დაგეგმილია 898 გრძივ მეტრზე ასფალტის საფარის დაგება, რკინა ბეტონის სანიაღვრე არხებისა და ლითონის ცხაურების მოწყობა,” – განაცხადა გივი ზაუტაშვილმა.