დღეს, ყვარლის მუნიციპალიტეტის მერმა გივი ზაუტაშვილმა, ა(ა)იპ ყვარლის კომპლექსური სასპორტო სკოლის თანამშრომლებს, დირექტორის პოზიციაზე წარუდგინა ლაშა ბეუქლიშვილი.
ყვარლის მუნიციპალიტეტის მერიის ინფორმაციით, დღევანდელ შეხვედრაზე მიმოიხილეს დაგეგმილი სპორტული ღონისძიებები და სხვადასხვა სპორტული მიმართულებების საჭიროებები. ყვარლის მუნიციპალიტეტის მერი გივი ზაუტაშვილი, ადგილზე გაეცნო სპორტული დარბაზების მდგომარეობას.
“დღეს, ჩემ პირველ მოადგილე ვალერი გოქსაძესთან და ადმინისტრაციული სამსახურის ხელმძღვანელ გიგა წიწრიაშვილთან ერთად, ყვარლის კომპლექსური სასპორტო სკოლის თანამშრომლებს დირექტორის პოზიციაზე წარვუდგინე ლაშა ბეუქლიშვილი.
გარდა ამისა, მიმოვიხილეთ სპორტული ღონისძიებები, რომლებიც უკვე დაგეგმილია და ვისაუბრეთ სპორტის მიმართულებით არსებულ საჭიროებებზე. ადგილზე გავეცანი სპორტული დარბაზების მდგომარეობასაც,” – აღნიშნა ყვარლის მუნიციპალიტეტის მერმა გივი ზაუტაშვილმა.